Домалақ ене атындағы орта мектебінде еліміздің ел болып құрылуына бар өмірін арнаған еліміздің біртуар ұлы Д.А.Қонаевтың туғанына 108 жыл толуына орай «Димаш-мақтан тұтар, ұлы тұлға, тау тұлға» тақырыбында эссе байқауы, «Кемеңгер де ұлы тұлға Д.А.Қонаев», «Ұлы тұлға Д.Қонаев», тақырыптарында сынып сағаттары және «Д.А.Қонаев-дәуіріміздің ұлы тұлғасы» тақырыбында дөңгелек үстел өткізілді.Елі үшін еткен еңбегі ерен екендігін жас ұрпақтың санасына сіңіру басты мақсатымыз.

Адалдық алаңы.  

2019 жылдың 26-шы желтоқсан күні Шу аудандық ақпараттық түсіндіру тобының мүшесі, теолог маманы Нурлыханов Бакыт Базарбаевич және Бірлікүстем ауылдық округінің АТТ төрағасы Н.Каюпов, АТТ мүшесі Н.Ташметовтың және жауапты маманының қатысуымен Домалақ ене атындағы орта мектебінде 9,10,11 сыныптар арасында «Діні экстримизм-ақиқат діннің жауы» атты кездесу өтті. Кездесуде теолог маман тақырып бойынша сөз сөйлеп, оқушылардың толғандырып жүрген сұрақтарына жауап берді.

Домалақ ене атындағы орта мектебінде дойбы және шахмат ойындарынан жарыс өткізілді. Жарысқа 1-4 сыныптың оқушылары белсене қатысты. Жеңімпаз оқушылар мақтау қағазымен марапатталды.

Домалақ ене атындағы орта мектебінде 2019-2020 оқу жылының I жарты жылдығында «Қысқа мерзімді жоспардың тиімділігі мен ерекшелігі» тақырыбында мектепішілік семинар өткізілді. Жаңартылған білім беру шеңберінде тәжірибелі ұстаздар өз тәжірибелерімен бөлісіп, ашық сабақтар мен коучингтерді жоғары деңгейде өткізді. Мектеп мұғалімдері семинарға ұйымшылдықпен атсалысты.

Еліміздің Тұңғыш Президенті Нұрсұлтан Әбішұлы Назарбаев 2019 жылды жастар жылы деп атаған еді. Соған орай мемлекетімізде, елді-мекендерде, ауыл-аймақтарда жастарды қолдайтын бірқатар іс-шаралар жүргізілді. Домалақ ене атындағы орта мектебінің жастары ауылдық мәдениет үйінде « Тұғыры биік тәуелсіз елім, жайнай бер мәңгі гүлденсін жерім» тақырыбында концерттік бағдарлама ұйымдастырып, ауыл тұрғындарына керемет көңіл-күй сыйлады

Домалақ ене атындағы орта мектебінде 16 желтоқсан Қазақстан Республикасының Тәуелсіздік күні мерекесіне орай және жастар жылы аясында «Тұғыры биік Тәуелсіздік» атты отбасылық толағай сайыс өтті. Сайысқа Серікбай әулеті , Сәрсенбаевтар, Асыловтар және Әбдреевтер отбасылар қатысты. Салауатты адам жанының да, тәнініңде тазаруы, денсаулықтың жақсаруы, сондықтан салауатты өмір салтын ұстануға тәрбиелеу.