Бүгін 2024-2025 оқу жылын сәтті аяқтадық. Жыл бойы оқушыларымыз білім нәрімен сусындап, саналы тәрбие алып, биік белестерді бағындыра отырып біршама жетістіктерге қол жеткіздік. Әрбір жетістік – олардың табандылығының, ұстаздар мен ата-аналардың қолдауының жемісі. Республикалық, облыстық, аудандық, аймақтық байқаулардағы жүлделі орындар, ғылыми жобалар, спорттық жарыстар мен өнердегі жеңістер біз үшін үлкен мақтаныш.

Барша оқушыларымызды, ата-аналар мен ұстаздарды осы бір маңызды кезеңмен құттықтаймын! Жазғы демалыс қызықты өтіп, жарқын сәттерге толы болсын. Жаңа оқу жылына қымбатты оқушыларымыз бен құрметті мұғалімдеріміз амандықпен оралуына шынайы тілектеспін.